"Hamımız gözəl trillerin şahidi olduq. Oyunda hər şey var idi: gözəl qollar, penalti, qırmızı vərəqələr". Sportnet.az-ın məlumatına görə, bu sözləri "İnter"in baş məşqçisi Kaxaber Sxadadze Topaz Premyer Lİqasının XXXIII turunda "Neftçi" ilə oyundan sonra deyib.
Gürcüstanlı mütəxəssis 4:0 hesabı ilə qalib gəldikləri matç haqda bunları söyləyib: "Qırmızı vərəqə aldığımız epizoda kimi komanda çox gözəl, ağıllı oynayırdı. Qırmızı vərəqədən sonra artıq bir az ehtiyatlı oynadıq, daha çox əks-hücumlara bel bağladıq. Hamı bilir ki, komandanın vəziyyəti necədir. Mən oyundan qabaq futbolçularımla söhbət etmişəm. Onlar peşəkardırlar. Biz ölkə üçün, ailəmiz üçün çalışmalıyıq. İndiki durum məndə anlaşılmaz hisslər yaradır. Bilmirəm sevinim, ya kədərlənim. Ümidvaram, vəziyyət yaxşılığa doğru dəyişəcək".
