Bu gün Misli Premyer Liqasında 10-cu tura yekun vurulub.
Sportnet.az xəbər verir ki, sonuncu oyun günündə 1 matç keçirilib. "Qəbələ" evdə "Araz-Naxçıvan"ı qəbul edib. Oyun qonaqların 4:1 hesablı qələbəsi ilə başa çatıb. "Qəbələ"nin iki futbolçusu oyunda qırmızı vərəqə alıb.
Azər Bağırovun komandası bu qələbən sonra xallarını 17-ə çatdırıb və "Neftçi"ni qabaqlayaraq 4-cü pilləyə yüksəlib. 3-cü pillədə olan "Səbail"in də 17 xalı var.
Qeyd edək ki, turun digər oyunları 20-21 oktyabr tarixlərində keçirilib.
22 oktyabr (bazar)
Misli Premyer Liqası, 10-cu tur
16:30. “Qəbələ”– “Araz-Naxçıvan” - 1:4
Qollar: Turan Manafov, 32 (0:1), Samuel Tetteh, 37 (1:1), Muhammed Kadiri, 45 (1:2), Elvis Maşike, 69 (1:3), Miço Kuzmanoviç, 71 (1:4)
Qırmızı vərəqələr: İlkin Qırtımov, 28-birbaşa qırmızı vərəqə, ("Qəbələ"), Osama Xalayla, 59-ikinci sarı vərəqə ("Qəbələ")
Hakimlər: Tural Qurbanov, Elşad Abdullayev, Vüsal Məmmədov, Əli Əliyev
Qəbələ şəhər stadionu
