Fransa Liqa 1-in 29 oktyabr Bakı vaxtı ilə saat 23:45-də başlamalı olan "Marsel" - "Lion" matçı ləğv edilib.
Sportnet.az RMC Sport-a istinadən xəbər verir ki, buna ev sahibi azarkeşlərin matçdan əvvəl qonaq komandanın avtobusuna hücumu səbəb olub.
Komandalar arasında keçirilməli olan qarşılaşmadan əvvəl “Marsel” azarkeşləri “Lion”un futbolçuları və məşqçilərinin olduğu avtobusa daş atıb. “Lion”un baş məşqçisi Fabio Qrosso şüşə qırıntılarından xəsarət alıb. Avtobus Velodrom stadionuna gedərkən daşqalaq edilib. Avtomobilin şüşəsi sındırılıb. F.Qrossonun üzünə şüşə qəlpələri dəyib. Nəticədə italiyalı mütəxəssis üzü qaç içində stadiona gəlib. Ona dərhal həkimlər kömək göstərib. .
Oyunun yeni tarixi daha sonra açıqlanacaq.
