"Qarabağ”ı çempionluq münasibəti ilə təbrik edirəm. Məğlub olmağımıza baxmayaraq, komandamızın çıxışından razı qaldım". Sportnet.az-ın məlumatına görə, bunu "Sumqayıt”ın baş məşqçisi Aqil Məmmədov "Qarabağ"la Azərbaycan Premyer Liqasının XXXIV tur matçından sonra deyib.
Gənc mütəxəssis bildirib ki, komandasından Şahin Əliyev, Budaq Nəsirov kimi oyunçular özlərini yaxşı tərəfdən göstərməyi bacarıblar. O, "Sumqayıt"ı daha iddialı duruma gətirmək istədiklərini söyləyib: "Növbəti mövsüm hansı dəyişikliklərin olacağını deyə bilmərəm. Əgər yaxşı nəticə qazanmaq istəyiriksə, dəyişikliklər etməliyik. Konkret məqsədlər uğrunda mübarizə aparmaq istəyirik”.
