Azərbaycan Premyer Liqasında XXX tura yekun vurulub.
Sportnet.az xəbər verir ki, günün son matçında "Sabah" və "Qarabağ" komandaları üz-üzə gəliblər.
"Bank Respublika Arena"da keçirilən görüşdə meydan sahibləri çempionluğu daha əvvəl təmin edən Ağdam təmsilçisinə 3:2 hesabı ilə qalib gəlib. Bakı klubunun heyətində Amin Seydiyev, Cesse Sekidika və Tellur Mütəllimov fərqləniblər. Qonaq komandanın qollarını isə Leandro Andrade və Nəriman Axundzadə vurub.
Qeyd edək ki, turun digər görüşlərində "Sumqayıt" "Zirə" ilə bərabərə qalıb - 0:0. "Turan Tovuz" "Qəbələ"ni 2:1, "Neftçi" "Araz Naxçıvan"ı 3:0 məğlub edib. "Səbail" - "Kəpəz" oyununda isə 3:3 hesabı qeydə alınıb.
-----------------------------
Azərbaycan Premyer Liqasında XXX turun oyunları çərçivəsində "Səbail" "Kəpəz"lə qarşılaşıb.
Sportnet.az xəbər verir ki, günün ilk matçı "ASCO Arena"da keçirilib.
Gərgin mübarizə şəraitində keçən matçda məhsuldar heç-heçə qeydə alınıb. Gəncəlilər fasiləyə 2:0 hesabı ilə üstün yollanıb. Lakin Şahin Diniyevin komandası ikinci hissədə geridönüş edərək 3:2 hesabı ilə önə keçib. Oyunun sonuna artırılan dəqiqələrdə isə bərabərlik qolunu vuran "Kəpəz" futbolçuları yekun hesabı müəyyənləşdiriblər - 3:3.
Bu nəticənin ardından bakılıların xalları 39-a, "sarı göylərin" xalları isə 31-ə çatıb.
Qeyd edək ki, turun son matçında "Sabah" evdə "Qarabağ"la üz-üzə gələcək.
---------------------------
Bu gün futbol üzrə Azərbaycan Premyer Liqasında XXX tura yekun vurulacaq.
Sportnet.az xəbər verir ki, son oyun günündə 2 görüş keçiriləcək.
Saat 16:30 start götürəcək matçda "Səbail" "Kəpəz"lə üz-üzə gələcək. Qarşılaşma "ASCO Arena" baş tutacaq.
Günün digər oyununda isə "Sabah" və cari mövsümün çempionu "Qarabağ" münasibətlərinə aydınlıq gətirəcək. Start fiti 19:00-da çalınacaq görüş "Bank Respublika Arena"da oynanılacaq.
Qeyd edək ki, turun açılış matçında "Sumqayıt" və "Zirə" klubları bərabərə qalıb - 0:0. Digər qarşılaşmalarda isə "Turan Tovuz" "Qəbələ"yə 2:1, "Neftçi" isə "Araz Naxçıvan"a 3:0 hesabı ilə qalib gəlib.
Premyer Liqa
XXX tur
Hakimlər: Cavid Cəlilov, Kamran Bayramov, Zöhrab Abbasov, Rövşən Rəcəbov
Hakim-inspektor: Vüsal Əliyev
"ASCO Arena".
Hakim-inspektor: Asim Xudiyev
"Bank Respublika Arena".
