Bu gün Hollandiya və Azərbaycan futzal yığmaları tarixi matça çıxacaqlar. Sportnet.az-ın məlumatına görə, bu 2 ölkənin milli komandaları ilk dəfə görüşəcəklər. Hollandiya ilə Azərbaycanın nəinki futzalda, futbolda da yolları kəsişməyib. 1992-ci ildə yaranan futbol yığmamız hollanlarla hələ ki seçmə mərhələdə bir qrupda yer almayıb. Bu azmış kimi, Azərbaycan yığması "narıncılar”la yoldaşlıq görüşündə də üzləşməyib.
Ancaq Hollandiya ilə Azərbaycan klub səviyyəsində futbolda da, futzalda görüşüblər. Maraqlıdır ki, futboldan fərqli futzalda holladlardan üstün ola bilmişik. Bu duellər UEFA kubokunda "Eyndhoven” ilə "Araz” arasında olub. Naxçıvan klubu Hollandiya təmsilçisinə 2011, 2012 və 2013-cü illərdə 5:3, 3:2 və 6:3 hesabı ilə qlaib gəlib.
Qeyd edək ki, Bakı vaxtilə saat 23:00-da keçiriləcək Hollandiya – Azərbaycan matçı dünya çempionatının pley-off mərhələsində ilk görüş olacaq.
