Rusiyanın qadın hokkeyçilərdən ibarət milli komandası Cənubi Koreyanın Pxençxan şəhərində keçirilən XXIII Qış Olimpiya Oyunlarında yarımfinala yüksəlib.
Sportnet.az-ın məlumatına görə, qonşu ölkə yığması 1/4 finalda İsveçrəni 6:2 hesabı ilə yenib. Rusiya millisi görüşün ilk dövrəsindən 1:0 hesablı üstünlüklə ayrılıb. İkinci dövrədə tərəflər hərəyə iki şayba vurublar - 2:2. Üçüncü dövrədə isə İsveçrə qapısında 4 cavabsız şayba görüb.
Rusiya millisi yarımfinalda Kanada ilə qarşılaşacaq. Oyun fevralın 19-da olacaq. Bu komandaların qrup mərhələsindəki görüşü Kanadanın qələbəsi ilə yekunlaşıb - 5:0.
