Türkiyənin Ərzurum şəhəri 2026-cı il Qış Olimpiya Oyularını keçirməyə namizədliyini rəsmən irəli sürüb.
Sportnet.az-ın məlumatına görə, bu barədə Ədalət və İnkişaf Partiyasının Ərzurumdan olan deputatı Mustafa Ilıcalı açıqlama verib. O, namizədliyin irəli sürülməsinə verdikləri dəstəklə əlaqədar partiya sədri və ölkə prezidenti Rəcəb Tayyip Ərdoğana, idman naziri Osman Aşkın Baka və hökumətə minnətdarlığını bildirib.
Qeyd edək ki, Beynəlxalq Olimpiya Komitəsinə namizədlərin irəli sürülməsi prosesinə martın 31-də yekun vurulacaq.
