"Bakı 2017" IV İslam Həmrəyliyi Oyunlarında Azərbaycan ilk qızıl medalı qazanıb.
Sportnet.az-ın məlumatına görə, kişilər arasında tapançadan 25 metr məsafəyə mərkəzə atış yarışında Ruslan Lunyov fəxri kürsünün ən yüksək pilləsinə qalxıb. O, finalda üst-üstə 581 xal toplayıb. Türkiyəli Yusuf Dikeç gümüş, pakistanlı Muhammad Xalil Axtar bürünc medal əldə edib.
Qeyd edək ki, bu nəticə sayəsində Azərbaycan ölkələrin ümumi medal sıralamasında hərəyə 1 qızıl, 1 gümüş medala malik İndonezi, İran və Türkiyədən sonra 4-cü pillədə qərarlaşıb.
