"İyunun 20-28 arası Gəncədə sırf gəncəli futbolçularla təlim-məşq toplanışı start götürəcək. İyulun 1-10 arası isə Bakıda toplanışımız olacaq". Bu sözləri Sportnet.az açıqlamasında "Kəpəz"in baş məşqçisi Şahin Diniyev deyib.
O, bildirib ki, toplanış çərçivəsində bir-neçə yoxlama oyunu nəzərədə tutulub. "Təlim-məşq toplanışı çərçivəsində yoxlama oyunlarında qüvvəmizi sınayacağıq. Komandalarla danışıqlar gedir. Bizə yaxın Qazaxdı, Tovuzdu, Şəmkirdir. Ola bilsin bu rayonların təmsilçiləri ilə oynayaq".
Diniyev transfer planı haqda isə bunları deyib: "Çox futbolçu ilə danışıqlar gedir. Bu gün yerli futbolçu tapmaq çətindir. Hələki Bəxtiyar Soltanovdan başqa yeni transfer gerçəkləşməyib".
