"Çətin oyun oldu. Qələbə qazanmaq vacib idi". Sportnet.az-ın məlumatına görə, bu sözləri "Qəbələ"nin futbolçusu Sergey Zenyov deyib.
O, Avropa Liqasının I təsnifat mərhələsi çərçivəsində Gürcüstanın "Dinamo" (Tbilisi) komandası ilə cavab oyununda qazandıqları 2:0 hesablı qələbəni belə şərh edib: "Nəyin bahasına olursa-olsun, qalib gəlməli idik. Baxmayaraq ki, bəzi azarkeşlər ümidlərini üzmüşdü, amma biz son dəqiqəyə kimi vuruşduq. Bizim elə qol vəziyyətlərimiz oldu ki, top qapıdan mütləq keçməli idi. Amma sonluğu qoya bilmirdik. Yaxşı ki, ruhdan düşmədik. Ən yaxşı oyunumuz olduğunu düşünürəm. Amma əlimizdən gələn hər şeyi etdik və meydanda hər santimetr uğrunda vuruşduq".
Qeyd edək ki, "Qəbələ" Gürcüstanda keçirilmiş ilk oyunda 1:2 hesabı ilə məğlub olub, cavab oyununda isə 2:0 qələbə qazanaraq növbəti mərhələyə adlayıb.
