Azərbaycanlı FİFA referisi Əliyar Ağayevin başçılıq etdiyi hakimlər briqadası Çempionlar Liqasında II təsnifat mərhələsinin APOEL (Kipr) - "Vardar" (Makedoniya) görüşünü idarə edib. Sportnet.az-ın məlumatına görə, matç qolsuz tamamlanıb - 0:0.
Ağayev oyun ərzində komandaların hərəyə 2 futbolçusuna sarı vərəqə göstərib. O, meydan sahiblərindən Konstantinos Makridis (dəq. 48) və George Efremi (dəq. 60), qonaqlardan isə "Xəzər Lənkəran"ın sabiq yarımmüdafiəçisi Nikola Qliqorovla (dəq. 15) Filip İvanovskini (dəq. 36) cəzalandırıb.
Qeyd edək ki, baş hakim Əliyar Ağayevə Zeynal Zeynalovla Mübariz Həşimov yan xətt, Fariz Yusifov isə dördüncü hakim kimi yardımçı olub.
