Hazırda "Qəbələ" və Kirp "Apollon"u arasında keçirilən Avropa Liqasının III təsnifat mərhələsinin cavab görüşündə qalmaqal düşüb. Sportnet.az-ın məlumatına görə, buna 34-cü dəqiqədə qonaq komandanın futbolçusu Esteban Saçettinin Cavid Hüseynova qarşı bilərəkdən zərbə endirməsi səbəb olub.
Saçetti Hüseynovu yerə yıxdıqdan sonra ona təpik də vurub. Nəticədə iki komandanın futbolçuları arasında toqquşma baş verib. Hakimlərin müdaxiləsindən sonra ara sakitləşib. "Qəbələ"nin kapitanı azarkeşləri meydana yad əşyalar atmamağa çağırıb.
Baş hakim isə Hüseynova sarı vərəqə göstərib. "Apollon"dan isə Saçetti deyil, kapitan Fotis Papulis cəzalanıb.
