Azərbaycan Premyer Liqasında II turun "Sumqayıt" - "Xəzər Lənkəran" matçına hər iki komanda azarkeşləri böyük maraq göstərib. Sportnet.az-ın oyunu canlı izləyən əməkdaşının məlumatına görə, Sumqayıtdakı "Kapitalbank Arena"nın tribunaları tam dolu olub.
Hətta marçı stadionun hasarlarından kənarda ayaq üstə yetərincə azarkeş izləyib. Onların arasında tribunalara daxil ola bilməyən "Xəzər Lənkəran" azarkeşləri də olub. Fanatların dəstəyinə sevimli komandaları da biganə qalmayıb. Qonaq komanda tərəfdarlarına yaxınlaşan Ruslan Abışov onları alqışlayıb. Abışov FİFA-nın kluba qoyduğu transfer qadağası üzündən oyunu tribunadan izləyib.
Qeyd edək ki, görüş 1:1 hesablı heç-heçə ilə nəticələnib.
