Yunanıstan PAOK-unun supertransferi Dimitar Berbatov bu gün "Qəbələ" ilə Avropa Liqasının qrup mərhələsinin ilk tur matçında start heyətdə meydana çıxmayacaq. Sportnet.az-ın Yunanıstan mətbuatına istinadən məlumatına görə, bolqarıstanlı hücumçu ehtiyatda qalacaq.
Baş məşqçi İqor Tudor 3-5-2 taktiki düzülüşünə üstünlük verib. Qapını isveçli Robin Olsen qoruyacaq. Müdafiə xətti Yorqos Tzavellas, Rikardu Koşta və Migel Vitordan ibarət olacaq. Erik Sabo və Aleksandros Tsiolis dayaq yarımmüdafiəçiləri, Dimitris Konstantinidis və Qari Rodriges sağ və sol vingerlər, Robert Mak pleymeker qismində meydana çıxacaq. Hücum xəttində isə Dimitris Pelkas və Eyal Qolas yer alacaq.
Müdafiəçi Marin Leovats, eləcə də hücumçu və kapitan Dimitris Pelkas zədə üzündən oynamayacaq.
Qeyd edək ki, "Bakcell Arena"da keçiriləcək "Qəbələ" - PAOK matçı saat 22:00-da başlanacaq.
