Azərbaycan Premyer Liqasında XI turun "Qəbələ" - "Kəpəz" matçı yarımçıq qalıb. Sportnet.az-ın məlumatına görə, görüş 29-cu dəqiqədə baş hakim Əliyar Ağayev tərəfindən dayandırılıb.
Buna dumanlı hava şəraiti səbəb olub. Ağayev komandaları meydandan çıxarıb. Diktor qatı duman səbəbindən oyunda fasilənin yarandığını elan edib. AFFA nümayəndəsi ilə hakim-inspektorun yarım saatdan çox davam edən müzakirələrindən sonra oyun təxirə salınıb. Qarşılaşmanın qalan hissəsinin Milli Məclisə seçkilərin keçiriləcəyi noyabrın 1-də oynanılmasına qərar verilib. Amma oyun seçki prosesi yekunlaşdıqdan sonra - saat 18:00-dan tez baş tutmayacaq. Son məlumatlara görə, qarşılaşmanın qalan hissəsi sabah saat 20:00-da oynanılacaq.
