Rusiya Premyer Liqasının XVI turunda Moskva "Spartak"ı ilə "Krasnodar" arasında keçirilmiş oyun zamanı 2 azarkeş ölüb. Sportnet.az-ın məlumatına görə, hər iki şəxs ürəktutmasından tribunadaca dünyasını dəyişib.
Bunlardan biri Moskva mərkəzi inzibati dairəsinin prefekti Viktor Fuyer olub. O, VİP-lojada keçinib. Şəxsiyyəti məlum olmayan digər azarkeş isə yuxarı yarusda vəfat edib.
Qeyd edək ki, "Otkrıtıe Arena"da keçirilmiş görüş "Spartak"ın qələbəsi ilə yekunlaşıb - 3:2. "Krasnodar" "Qəbələ"nin Avropa Liqasının qrup mərhələsindəki rəqiblərindəndir.
