Futbol üzrə Çempionlar Liqasında V tura start verilib. Sportnet.az-ın məlumatına görə, ilk oyun günündə 4 qrupda 8 qarşılaşma keçirilib.
E qrupunun ilk oyununda Belarus BATE-si Almaniyanın "Bayer" klubu üzərində qələbəni əldən verib. Matçın qalibi ikinci pilləyə yüksələ bilərdi. Amma tərəflər heç-heçə ilə kifayətləniblər. İspaniya "Barselona"sı isə türkiyəli referi Cüneyt Çakırın idarə edəcəyi görüşdə İtaliyanın "Roma" komandasını darmadağın edib. Luis Suares və zədədən sonra start heyətində meydana çıxan Lionel Messi "dubl" edib. Bu qələbə sayəsində Luis Enrikenin baş məşqçi olduğu komanda 1/8 finala vəsiqəni təmin edəcək.
F qrupunda bir-biri ilə üz-üzə gələn Almaniya "Bavariya"sı ilə Yunanıstan "Olimpiakos"u heç-heçə edəcəkləri təqdirdə, növbəti mərhələyə birgə yüksələcəkdilər. Amma Xosep Qvardiolanın komandası rəqibinə aman verməyərək, 4 cavabsız qolla qalib gəlib və 1/8 finala vəsiqəni təmin edib. "Olimpiakos"un məğlubiyyətindən İngiltərə "Arsenal"ı layiqincə yararlanaraq, Xorvatiyanın "Dinamo" (Zaqreb) komandasını darmadağın edib və 1/8 final ümidini son turda "Olimpiakos"la qarşılaşmaya saxlayıb.
G qrupunda isə Portuqaliyanın "Portu" komandasının Ukraynanın "Dinamo" (Kiyev) klubuna məğlubiyyəti gözlənilməz olub. Sergey Rebrovun komandası hər hissədə bir qol vuraraq, "pley-off" iddialarını davam etdirib. Hərçənd, İngiltərənin "Çelsi" komandası İsrailin Hayfa şəhərində "Makkabi"ni darmadağın edərək, liderliyi ələ alıb. Qrupda növbəti mərhələyə vəsiqələr son turda müəyyənləşəcək.
H qrupunda isə Rusiya "Zenit"i artıq bu vəzifənin öhdəsindən gəlmişdi. Bununla belə, İspaniya "Valensiya"sını da yenən piterlilər ardıcıl 5-ci qələbə sayəsində 1/8 finala vəsiqəni qrup lideri kimi təmin edib. Belçika "Gent"i isə gözlənilmədən Fransada "Lion"u uzatma dəqiqəsində vurduğu qolla məğlub edib və digər vəsiqə üçün şanslarını davam etdirib.
Çempionlar Liqası, V tur
Çempionlar Liqası, V tur
E qrupu
21:00. BATE (Belarus) - "Bayer" (Almaniya) - 1:1
Qol: Mixail Qordeyçuk, 2 - Admir Mehmedi, 68
Baş hakim: Kleman Turpen (Fransa)
Baş hakim: Kleman Turpen (Fransa)
Borisov. "Borisov Arena"
23:45. "Barselona" (İspaniya) - "Roma" (İtaliya) - 6:1
Qol: Luis Suares, 15; 44. Lionel Messi, 18; 60. Jerar Pike, 56. Adriano, 77 - Edin Dzeko, 90+1
Baş hakim: Cüneyt Çakır (Türkiyə)
Baş hakim: Cüneyt Çakır (Türkiyə)
Barselona. "Nou Kamp".
9 dekabr: "Bayer" - "Barselona", "Roma" - BATE
Xal durumu: "Barselona" - 13. "Roma" - 5. "Bayer" - 5. BATE - 4.
F qrupu
23:45. "Arsenal" (İngiltərə) - "Dinamo" (Zaqreb, Xorvatiya) - 3:0
Qol: Məsut Özil, 29. Aleksis Sançes, 33; 69
Baş hakim: Viktor Kaşşai (Macarıstan)
Baş hakim: Viktor Kaşşai (Macarıstan)
London. "Emireyts" stadionu
23:45. "Bavariya" (Almaniya) - "Olimpiakos" (Yunanıstan) - 4:0
Qol: Duqlas Kosta, 8. Robert Levandovski, 16. Tomas Müller, 20. Kinqsli Koman, 70
Baş hakim: Yunas Eriksson (İsveç)
Baş hakim: Yunas Eriksson (İsveç)
Münhen. "Alyans Arena"
9 dekabr: "Dinamo" (Zaqreb) - "Bavariya", "Olimpiakos" - "Arsenal"
Xal durumu: "Bavariya" - 12. "Olimpiakos" - 9. "Arsenal" - 6. "Dinamo" - 3.
G qrupu
23:45. "Portu" (Portuqaliya) - "Dinamo" (Kiyev, Ukrayna) - 0:2
Qollar: Andrey Yarmolenko, 35-penalti ilə. Derlis Qonsales, 64
Baş hakim: Karlos Velasko Karbalyo (İspaniya)
Baş hakim: Karlos Velasko Karbalyo (İspaniya)
Portu. "Draqau" stadionu
23:45. "Makkabi" (Təl-Əviv, İsrail) - "Çelsi" (İngiltərə) - 0:4
Qollar: Qari Keyhill, 20. Villian, 73. Oskar, 77. Kurt Zuma, 90+1
Baş hakim: Alberto Undiano Malenko (İspaniya)
Baş hakim: Alberto Undiano Malenko (İspaniya)
Hayfa. "Sammi Ofer" stadionu
9 dekabr: "Çelsi" - "Portu", "Dinamo" (Kiyev) - "Makkabi"
9 dekabr: "Çelsi" - "Portu", "Dinamo" (Kiyev) - "Makkabi"
Xal durumu: "Çelsi" - 10. "Portu" - 10. "Dinamo" - 8. "Makkabi" - 0.
H qrupu
21:00. "Zenit" (Rusiya) - "Valensiya" (İspaniya) - 2:0
Qollar: Oleq Şatov, 15. Artyom Dzyuba, 74
Baş hakim: Sveyn Moen (Norveç)
Baş hakim: Sveyn Moen (Norveç)
Sankt-Peterburq. "Petrovski" stadionu
23:45. "Lion" (Fransa) - "Gent" (Belçika) - 1:2
Qol: Jordan Ferri, 7 - Daniel Miliçeviç, 32. Kalifa Kulibali, 90+5
Baş hakim: Sergey Karasyov (Rusiya)
Baş hakim: Sergey Karasyov (Rusiya)
Lion. "Jerlan" stadionu
9 dekabr: "Gent" - "Zenit", "Valensiya" - "Lion"
Xal durumu: "Zenit" - 15. "Gent" - 7. "Valensiya" - 6. "Lion" - 1.
