Futbol üzrə Azərbaycan Kubokunda 1/4 final cütlərindən 2-nin tərkibi müəyyənləşib. Sportnet.az-ın məlumatına görə, bu, 1/8 final mərhələsinin dekabrın 2-də baş tutmuş 6 qarşılaşmasından sonra məlum olub.
Günün son 2 matçından qalib ayrılan "Neftçi" ilə "Qarabağ"a müvafiq olaraq, "Xəzər Lənkəran"la "Sumqayıt" rəqib olub. Daha 2 cütlüyün tərkibi isə bu gün keçiriləcək qarşılaşmaların ardından müəyyənləşəcək. "Rəvan" - "Bakı" matçının qalibi "İnter"ə rəqib olacaq. "Zirə" isə "Qəbələ" - "Mil-Muğan" görüşünün qalibi ilə üz-üzə gələcək.
Qeyd edək ki, oyunlar gələn il martın 2-də və 9-da olacaq.
