"Qarabağ"ın direktoru Əmrah Çəlikəl "Xəzər Lənkəran"la yollarını ayıran qapıçı Orxan Sadıqlı ilə müqavilə bağlayacaqlarına dair xəbərlərə münasibət bildirib. Klub rəsmisi Sportnet.az-a açıqlamasında məsələdən xəbərsiz olduğunu deyib.
Onun sözlərinə görə, hər hansı bir transfer olunduğu təqdirdə klub rəsmisi kimi məsələdən xəbərdar olur: "Transferlə bağlı baş məşqçi Qurban Qurbanovla söhbət edəcəyik. Onun istəyi ilə hər hansı bir qərar qəbul edəcəyik. Yaxın günlərdə komandada kimlərin qalacağını və hansı futbolçuların gedəcəyini ictimaiyyətə açıqlayacağıq".
Qeyd edək ki, "Xəzər Lənkəran"la yollarını ayıran Sadıqlının "Qarabağ"a keçməsi ilə bağlı məlumatlar yayılıb.
