Türkiyənin "Dənizlispor" klubu "Bakı"nın sabiq futbolçusu Nurlan Novruzovla müqavilə bağlayacaq. Sportnet.az-ın məlumatına görə, bu barədə klub rəsmisi Ali Yaman açıqlama verib.
Yaman bildirib ki, bir müddət sınaqdan çıxardıqları Novruzov bəyənilib. Baş məşqçi Özcan Bizati də 21 yaşlı forvard barədə müsbət rəy verib. Bu səbəbdən, 21 yaşlı forvardla yaxın günlərdə rəsmi müqavilə imzalanacaq.
Qeyd edək ki, müqavilə üzrə "Bakı"ya məxsus Nurlan Novruzov ötən mövsümün ilk yarısını icarə əsasında "Sumqayıt"da keçirib.
