AFFA-nın Apellyasiya və Ekspert Komitəsinin növbəti iclası keçirilib. Sportnet.az-ın məlumatına görə, iclasda "Neftçi”nin futbolçusu Elvin Yunuszadə barədə müraciətə baxılıb.
Müzakirələrdən sonra qərara alınıb ki, İntizam Komitəsinin Yunuszadə barədə mayın 20-də çıxardığı qərar qismən dəyişdirilsin. Müdafiəçi intizam tədbiri olaraq 2 oyunluq kənarlaşdırılsın, digər 2 oyunluq cəzadan isə 6 aylıq sınaq müddəti tətbiq edilməklə azad olunsun. 6 aylıq sınaq müddəti ərzində futbolçu analoji hərəkətlərə yol verəcəyi təqdirdə, ona təyin olunmuş intizam tədbiri hazırkı azad olunmuş cəzaya əlavə ediləcək.
Müzakirələrdən sonra qərara alınıb ki, İntizam Komitəsinin Yunuszadə barədə mayın 20-də çıxardığı qərar qismən dəyişdirilsin. Müdafiəçi intizam tədbiri olaraq 2 oyunluq kənarlaşdırılsın, digər 2 oyunluq cəzadan isə 6 aylıq sınaq müddəti tətbiq edilməklə azad olunsun. 6 aylıq sınaq müddəti ərzində futbolçu analoji hərəkətlərə yol verəcəyi təqdirdə, ona təyin olunmuş intizam tədbiri hazırkı azad olunmuş cəzaya əlavə ediləcək.
Qeyd edək ki, Elvin Yunuszadə Topaz Premyer Liqasında 2013-2014-cü il mövsümünün son turunda "Simurq”la oyunun 45+1-ci dəqiqəsində aqressiv hərəkəti üzündən 4 oyunluq cəzalanıb, klubu 4000 manat cərimə olunub. AFFA-nın Apellyasiya və Ekspert Komitəsi məhz həmin cəzanı yüngülləşdirib. Bu isə o deməkdir ki, Yunuszadə III turda AZAL-la səfər matçında meydana çıxa biləcək.
