"Barselona" klubunun İspaniya çempionatının 2-ci turunda "Vilyarreal" üzərində səfər qələbəsi 2 futbolçunun zədələnməsi bahasına başa gəlib. Sportnet.az-ın məlumatına görə, bunlar Karaloniya komandasının hücumçuları Lionel Messi ilə Munir Əl-Həddadidir.
Messi əzələsindən, Əl-Həddadi isə baldırından xəsarət alıb. Hər iki oyunçu bu gün tibbi müayinədən keçiriləcək. Müayinə nəticəsində onların zədələrinin ciddilik dərəcəsinə aydınlıq gələcək.
Qeyd edək ki, oyun "Barselona"nın 1:0 hesablı qələbəsi ilə yekunlaşıb. Yeganə topu 79-cu dəqiqədə Sandro Ramires vurub.
