Özbəkistanın paytaxtı Daşkənddə böyüklər güləş üzrə dünya çempionatı davam edir. Sportnet.az-ın məlumatına görə, bu gün 53, 58 və 75 kq çəki dərəcəsində qadın güləşçilər yarışır.
Azərbaycan bu çəkilərdən 2-də təmsil olunur. Anjela Doroqan 53 kq, İrina Netreba isə 58 kq çəkidə mübarizə aparır. Onlar ilk görüşlərini qələbə ilə başa vursalar da, 1/8 finalda uduzaraq, qızıl medal şanslarını itiriblər. İndi pəhləvanlarımız yenildikləri rəqiblərin finaladək irəliləməsinə ümid etməlidirlər. Bu, baş versə, təmsilçilərimiz bürünc medal uğrunda təsəlli görüşlərinə çıxacaqlar:
53 kq
1/16 final. Anjela Doroqan - İzabella Sambou (Seneqal) - 3:2
1/8 final. Nataliya Budu (Moldova) - Anjela Doroqan - 6:3
1/8 final. Nataliya Budu (Moldova) - Anjela Doroqan - 6:3
58 kq
1/16 final. İrina Netreba - Romero Bonilla (Meksika) - 3:1
1/8 final. Lisset Antes (Ekvador) - İrina Netreba - 14:6
1/8 final. Lisset Antes (Ekvador) - İrina Netreba - 14:6
Qadın güləşçilərin ilk yarış günündə yığmamız 1 gümüş və 1 bürünc medala sahib olub. Yuliya Ratkeviç (60 kq) gümüş, Mariya Stadnik (48 kq) isə bürünc medal qazanıb.
