Braziliyalı futbolçu Ronaldinyo yeni komandası olan Meksikanın "Keretaro” klubuna keçidi haqda danışıb. Sportnet.az-ın "Marca”ya istinadən məlumatına görə, 34 yaşlı ulduz komandadakı hədəfləri barədə maraqlı açıqlamalar verib.
O deyib: "Fiziki formam yaxşı vəziyyətdədir və mən bir neçə gündən sonra komandanın bir parçası olacam. Meksikada da mən, titul və qızlar qazanmaqla öz stilimdə qalacam”.
Qeyd edək ki, Meksika çempionatında 7 turdan sonra "Keretaro" 10 xalla 8-ci pillədə qərarlaşıb. Ronaldinyonun son klubu Braziliya "Atletiko Mineyro"su olub və o, yeni komandasına azad agent statusu ilə gəlib.
