Yuri Syominin Azərbaycan Kubokunun final qarşılaşmasından cəmi 1 saat sonra "Qəbələ”nin baş məşqçisi vəzifəsindən istefa verməsinin əsl səbəbləri məlum olub. Sportnet.az-ın əldə etdiyi məlumata görə, rusiyalı mütəxəssis klub rəhbərliyi ilə büdcə məsələsində fikir ayrılığı yaşayıb.
"Qəbələ” rəhbərliyi klub Akademiyasının yetirmələrinin əsas heyətə cəlb edilməsini tələb edib. Təbii ki, belədə, gənc futbolçulara yüksək məvacib ödənilməyəcək və illik büdcə xeyli azalacaqdı. Lakin rusiyalı mütəxəssis gənc heyətlə uğur qazana bilməyəcəyini və şəxsi nüfuzunun itəcəyini önə çəkərək, klub rəhbərliyinin bü təşəbbüsünə qol qoymayıb. Nəticədə, tərəflər arasında fikir ayrılığı yaranıb ki, bu da öz əksini yeni müqavilənin imzalanmamasında tapıb.
