"Qəbələ"nin futbolçusu Dodo ən azı 2 həftəlik sıradan çıxıb. Sportnet.az-ın klubun rəsmi saytına istinadən məlumatına görə, buna 27 yaşlı yarımmüdafiəçinin Topaz Premyer Liqasının V turunda "Simurq"la matç zamanı aldığı zədə səbəb olub.
2:1 hesabı ilə başa çatan matçın 80-ci dəqiqəsində o, komandasının qələbə topunu vurduğu vaxt rəqib qapıçı ilə toqquşub. Nəticədə braziliyalı oyunçu meydanı xərəkdə tərk edib. Ötən gün müayinədən keçən "sambaçı"nın yalnız iki həftədən sonra məşqlərə start verə biləcəyi açıqlanıb.
