2020-ci il Avropa çempionatını təşkil edəcək şəhərlərin seçiminin ikinci mərhələsi zamanı UEFA İcraiyyə Komitəsi Bakıya 37 xal veriblər. Sportnet.az-ın məlumatına görə, bu göstəricidə Bakı Olimpiya Stadionu yalnız Münhendəki "Alyans Arena"dan 1 xal geri qalıb.
Almaniyadakı stadion 38, Azərbaycandakı stadion isə 37 səs yığıb. Bakı Olimpiya Stadionu 5 nəhəng şəhərin arenalarını geridə qoyub:
Sankt Peterburq (Rusiya) - 29 xal
Roma (İtaliya) - 20
Brüssel (Belçika) - 11
Kardiff (Uels) - 3
Budapeşt (Macarıstan) - 2
Qeyd edək ki, birinci mərhələdə final və yarımfinal oyunlarını qəbul edəcək stadionun adı açıqlanıb. Bu, Londondakı "Uembli"dir. Bakıdan əlavə, Münhen, Sankt-Peterburq və Roma 1/4 final və qrupda 3 oyunu, Brüssel (Belçika), Kopenhagen (Danimarka), Budapeşt (Macarıstan), Amsterdam (Hollandiya), Dublin (İrlandiya), Buxarest (Rumıniya), Qlazqo (Şotlandiya) və Bilbao (İspaniya) 1/8 final və qrupda 3 oyunu qəbul edəcək.
