Zaqatalanın "Simurq" klubunun kapitanı İlkin Qırtımov Azərbaycan millisinin heyətində Rusiya yığması ilə yoldaşlıq görüşündən sonra ünvanına yönələn tənqidləri cavablandırıb. 24 yaşlı müdafiəçi Sportnet.az-a açıqlamasında şimal qonşularımıza qarşı sağ cinahdakı oyununun alınmadığını etiraf edib.
Bununla yanaşı, Qırtımov qollarda yalnız özünün günahkar göstərilməsi ilə razılaşmayıb: "Düzdür, deyirlər ki, cinahdan "asma" gəldi, qol vurdular. Cinahdan "asma" gələr də, qardaşım! Rusiya kimi komandadır, necə edim? Hər oyunda cinahdan "asma" gəlir. Bu görüşdə də mənim cinahımdan cərimə meydançasına cəmi 3 "asma" getdi, onları da aparıb qol vurdular. Ancaq elə "İlkin, İlkin, İlkin, İlkin"... Yaxşı ki, İlkin var idi, onun adını çəkirdilər".
Müdafiəçi yığmadakı debüt oyunlarında dəstəkdənsə, günahkar çıxarılmasını tənqidçilərin başqa futbolçulara irad tuta bilməməsi ilə əlaqələndirib: "Adama bilirsən nə ağır gəlir? Azərbaycanlı uşaqdır, millidə ilk oyunudur. Dəstək verməkdənsə, qollarda yalnız məni günahkar görürlər. Cinahdan "asma" gedirsə, mən neyləyə bilərəm? Başqalarına söz deyə bilmirlər, kim cavandırsa, günahı onun üstünə atırlar. Eləyə qalsa, İngiltərədə bir hissədə cinahdan 60 "asma" gedir. Həmin cinahları aparıb tullasınlar da... Oyundan sonra belə şeyləri eşitmək adama yaxşı təsir etmir. Düzdür, demirəm ki, səhvim yoxdur. Cinahdan "asma" buraxmamalıyam. Amma olur da... Məgər hər "asma" qolla nəticələnir? Eləyə qalsa, bütün "asma"lardan sonra hamı çəkilsin kənara, rəqib də aparıb qol vursun".
Bununla yanaşı, Qırtımov qollarda yalnız özünün günahkar göstərilməsi ilə razılaşmayıb: "Düzdür, deyirlər ki, cinahdan "asma" gəldi, qol vurdular. Cinahdan "asma" gələr də, qardaşım! Rusiya kimi komandadır, necə edim? Hər oyunda cinahdan "asma" gəlir. Bu görüşdə də mənim cinahımdan cərimə meydançasına cəmi 3 "asma" getdi, onları da aparıb qol vurdular. Ancaq elə "İlkin, İlkin, İlkin, İlkin"... Yaxşı ki, İlkin var idi, onun adını çəkirdilər".
Müdafiəçi yığmadakı debüt oyunlarında dəstəkdənsə, günahkar çıxarılmasını tənqidçilərin başqa futbolçulara irad tuta bilməməsi ilə əlaqələndirib: "Adama bilirsən nə ağır gəlir? Azərbaycanlı uşaqdır, millidə ilk oyunudur. Dəstək verməkdənsə, qollarda yalnız məni günahkar görürlər. Cinahdan "asma" gedirsə, mən neyləyə bilərəm? Başqalarına söz deyə bilmirlər, kim cavandırsa, günahı onun üstünə atırlar. Eləyə qalsa, İngiltərədə bir hissədə cinahdan 60 "asma" gedir. Həmin cinahları aparıb tullasınlar da... Oyundan sonra belə şeyləri eşitmək adama yaxşı təsir etmir. Düzdür, demirəm ki, səhvim yoxdur. Cinahdan "asma" buraxmamalıyam. Amma olur da... Məgər hər "asma" qolla nəticələnir? Eləyə qalsa, bütün "asma"lardan sonra hamı çəkilsin kənara, rəqib də aparıb qol vursun".
Qırtımov hazırda sağ cinahda Mahir Şükürovu həqiqətən də millinin əsas heyətinə layiq futbolçu sayıb. Bununla yanaşı, o,tədricən özünün də yığmaya tam layiqli futbolçu kimi yetişəcəyinə ümidvar olduğunu bildirib: "Təbii ki, həmin mövqedə ilk dəfə şans verildiyini, məsuliyyətimi başa düşürdüm. Açıq deyim ki, Rusiya ilə matçda heç nə edə bilmədim. Bununla milliyə yolum bağlanırsa, qoy bağlansın. Millidə mənim cinahımda əsas heyət üzvü Mahir Şükürovdur. O, yaşlı olsa da, oyununa söz ola bilməz. Milliyə lazımlı futbolçudur. İnşallah, yavaş-yavaş biz də hazır olarıq. Heç kim birdən-birə heyətdə yer qazanmır ki..."
Qeyd edək ki, Rusiya - Azərbaycan matçında meydan sahibləri 4:0 hesabı ilə qalib gəliblər. İlkin Qırtımov birinci hissədə meydanda olub və çoxları ilk yarıda vurulmuş 3 qolda onun günahkar olduğunu bildirib.
Şəfiqə ELMANQIZI
Qeyd edək ki, Rusiya - Azərbaycan matçında meydan sahibləri 4:0 hesabı ilə qalib gəliblər. İlkin Qırtımov birinci hissədə meydanda olub və çoxları ilk yarıda vurulmuş 3 qolda onun günahkar olduğunu bildirib.
Şəfiqə ELMANQIZI
