"Yaxşı oyun oldu. Hər iki komanda sona kimi mübarizə apardı". Bu sözləri Sportnet.az-a açılamasında Topaz Premyer Liqasının IX turunda "Xəzər Lənkəran"la matçdan sonra "Qarabağ"ın futbolçusu Leroy Corc deyib.
Hollandiyalı yarımmüdafiəçi oyunda iştirak edən gənc futbolçuların çıxışlarını yüksək qiymətləndirib: "Komandanın əsas heyət oyunçularının bəziləri oynamadı. Gənc futbolçular yaxşı çıxış etdilər. 3 qoldan sonra "Xəzər Lənkəran" fərqli oyun nümayiş etdirdi. Nəticədə iki qol vurdular. Hər cəbhədə mübarizə önəmlidir. "Xəzər Lənkəran"la oyunda xal qazanmağımız yaxşıdır. Qarşıdakı oyunlara hazırlaşacağıq".
Qeyd edək ki, "Qarabağ" - "Xəzər Lənkəran" matçı 3:2 hesabı ilə ağdamlıların xeyrinə başa çatıb.
