"Araz Naxçıvan" Topaz Premyer Liqasında fəaliyyətini dayandırdığını rəsmən açıqlasa da, bu hadisədən klubun futbolçularının xəbəri yoxdur. Bu barədə Sportnet.az-a komandanın təcrübəli müdafiəçiləri Saşa Yunisoğlu və Aqil Nəbiyev açıqlama verib.
Futbolçuların sözlərinə görə, komanda noyabrın 6-na qədər istirahətə buraxılıb və artıq həmin gün üçün Naxçıvana bilet də alıblar: "Komandanın dağılma xəbərini sizdən eşidirik. Bizə bu barədə heç nə deyilməyib".
Qeyd edək ki, bu gün "Araz Naxçıvan"ın rəsmi saytı klubun fəaliyyətini dayandırmasına dair xəbər yayıb.
