Topaz Premyer Liqasının XII turunun açılış matçında "Qarabağ”
səfərdə "Bakı” üzərində 4-2 hesablı qələbə qazandı. Sportnet.az-ın məlumatına görə, həmin oyundan sonra "Qarabağ”ın baş məşqçisi
Qurban Qurbanov oyun haqda
fikirlərini bölüşüb.
Qurbanov bu oyunda çox səhv etdiklərini bildirib: "Maraqlı və qollu bir qarşılaşmanın şahidi olduq. Çox düşünməyi tələb edənbir oyun idi. Birinci hissədə müdafiədə çox səhv etdik. Bunun üzərində işləməliyik. Daha diqqətli olmalıyıq. İkinci hissədə toparlanıb, daha yaxşı oynadıq, qələbə qazandıq. "Bakı” topla çox yaxşı oynayan komandadır. Onlara gələcək oyunlarda uğurlar arzulayıram”.
