"Çox maraqlı və sürətli oyun gördüm. Çoxlu qollar vuruldu, belə oyuna görə Bakıdan bura gəlməyə dəyərdi". Sportnet.az-ın Zaqatalaya ezam olunmuş əməkdaşının verdiyi məlumata görə, bunu Premyer Liqanın XIV turunda "Simurq" - "Qarabağ" matçını izləyən Azərbaycan milli komandasının baş məşqçi postuna namizəd Robert Prosineçki deyib.
Xorvatiyalı mütəxəssis "Qarabağ"ın 3:2 hesablı qələbəsi ilə yekunlaşan matçda özü üçün bəzi nəticələr çıxararaq, qeydlər etdiyini bildirib: "Son dörd gündə ikinci dəfədir "Qarabağ"ın oyununu gördüm. Hiss olunurdu ki, matçın əvvəlində Ağdam komandası öz oyunun qura bilmirdi, bunu matçın gedişində bacardı".
