"Yaxşı oyun alındı. Hər iki komanda intizamlı oyun sərgilədi. Sona qədər sakit çıxış edən futbolçularımdan razı qaldım". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov "Neftçi" ilə 0:0 hesablı heç-heçə ilə nəticələnən Topaz Premyer Liqasının XV tur matçından sonra deyib.
Komandasının 1 xal qazandığını vurğulayan 42 yaşlı mütəxəssis hər bir futbolçunun tapşırıqları yerinə yetirdiyini söyləyib: "Qol imkanları yaratdıq. Sadəcə, imkanlardan istifadə etmək mümkün olmadı. Rəqibi də nəzərə almaq lazımdır. "Neftçi” sıradan bir rəqib deyil. Düşünürəm ki, oyunu istədiyimiz kimi sona çatdırmaq üçün daha təmkinli olmalıyıq".
