Qış fasiləsində klublarımızla yanaşı Məşqçilər Komitəsi də Türkiyənin Antalya şəhərinə təlim-məşq toplanışına yollanacaq. Bu barədə Sportnet.az-a komitə sədri Vaqif Sadıqov məlumat verib.
Sadıqov bildirib ki, 2015-ci il yanvarın 14-dən başlanacaq səfər müddətində onlar klubların məşqlərini izləyəcəklər. Səfərin müddəti Azərbaycan yığmasının baş məşqçisi Robert Prosineçkinin Antalyada nə qədər qalmasından asılı olacaq.
Millimizin baş məşqçisi Robet Prosineçki isə yanvarın 9-dan qardaş ölkədə olacaq. Onun burada nə qədər qalacağı hələ ki, bəlli deyil. Xorvatiyalı çalışdırıcı toplanışın yekununda Məşqçilər Komitəsi ilə bir araya gələcək.
Toplanış yekunlaşdıqdan sonra Məşqçilər Komitəsi Klublar Komitəsinin sədri Tuyqun Nadirovla da görüşərək, hazırlıq prosesində müşahidə etdiklərini bölüşəcək.
