Antalyada qış təlim-məşq toplanışında olan "Simurq", bu gün ilk yoxlama oyununu keçirib. Sportnet.az-ın məlumatına görə, səhər saatlarında hava şəraiti ilə əlaqədar görüşün təxirə salındığı bildirilsə də, sonradan hər iki komandanın qarşılıqlı razılığı əsasında görüş baş tutub.
Zaqatala təmsilçisi rəqibini 3:1 hesabı ilə məğlub edib. "Simurq"dan qolları 25-ci dəqiqədə yeni transfer Elnur Abdullayev, 27-ci dəqiqədə Marko Stanoyeviç və 37-ci dəqiqədə Draqan Çeran vurub. Rəqib isə görüşün bitməsinə 5 dəqiqə qalmış təsəlli qolu vurmağı bacarıb.
"Simurq"un baş məşqçisi Georgi Çixradze oyuna Pavel Kapsa, İlkin Qırıtmov, Banaş Adam, Samir Zərgərov, Elnur Abdullayev, Rəşad Eyyubov, Draqan Çeran, Tural Axundov, İdan Vaytsman, Benjamin Lambot və Marko Stanoyeviçdən ibarət əsas heyəti buraxıb. İlk hissəsi 3:0 Zaqatala təmsilçisinin xeyrinə başa çatan matçda, fasilədən sonra Pavel Kapsa, Rəşad Eyyubov, Samir Zərgərov, Elnur Abdullayev, Marko Stanoyeviç, Benjamin Lambotun əvəzinə Amil Ağacanov, Əli Gökdəmir, Vadim Abdullayev, Stepan Polyak, Murad Səttarlı və Patrik Osiako meydana çıxıb. Qarşılaşmanın 60-cı dəqiqəsində məşqçilər korpusu Draqanı Oruc Balaşlı ilə əvəzliyib. 63-cü dəqiqədə isə Banaş Adamın yerinə Rüstəm Məmmədova şans verilib. Görüşün bitməsinə 20 dəqiqə qalmış isə gənc Kənan Müslümov və Nicat Muxtarov meydana çıxıb. Onlar İlkin Qırtımovla Tural Axundovu əvəzləyib.
Beləliklə, yanvarın 6-da qardaş ölkədə təlim-məşq toplanışına start verən "Simurq" artıq hazırlıq proqramının ikinci hissəsinə başlayıb. Zaqatala təmsilçisi sabah səhər bir məşqlə çalışmaları davam etdirəcək. Bundan sonra məşqçilər korpusu yetirmələrinə istirahət verəcək. Zaqatala təmsilçisinin növbəti yoxlama oyunundakı rəqibi isə Almaniyanın "Dyusburq" klubu olacaq. Görüş yanvarın 15-də keçiriləcək.
____________________________________________________________________________________________
18:02. "Simurq" - "Şaxtyor" matçı baş tutmadı
<div>"Simurq"un Türkiyənin Antalya bölgəsindəki qış-təlim məşq toplanışı çərçivəində bu gün Qazaxıstanın "Şaxtyor" (Karaqanda) komandası ilə keçirməli olduğu ilk yoxlama görüşü baş tutmayıb. Sportnet.az-ın məlumatına görə, buna qardaş ölkədə hazırda əlverişsiz hava şəraitinin davam etməsi səbəb olub. </div>
<div><br />
</div>
<div>Güclü yağış qarşılaşmanın keçiriləcəyi meydançanı yararsız vəziyyətə gətirib. Tərəflər matçın ümumiyyətlə keçirilməməsinə qərar veriblər. </div>
<div><br />
</div>
<div>Qeyd edək ki, "Simurq"un növbəti yoxlama görüşü yanvarın 15-də Almaniya "Dyusburq"u ilə nəzərdə tutulub. Bakı vaxtı ilə saat 17:30-da start götürəcək qarşılaşma "Arkadia İdman Mərkəzi"nin meydançasında keçiriləcək. </div>
