Futbol üzrə Azərbaycan Kubokunda finalçılar üçün nəzərdə tutulan pul mükafatı ləğv olunub. Bu barədə Sportnet.az-a Peşəkar Futbol Liqasının (PFL) prezidenti Ramin Musayev məlumat verib.
O bildirib ki, yeni qayda 2014-2015 mövsümündən qüvvəyə minəcək. Musayev bunu nəzərdə tutulan pul mükafatına klubların elə də ehtiyacının olmaması ilə əlaqələndirib.
Qeyd edək ki, Azərbaycan Kubokunun qalibinə 100 min, həlledici görüşdə məğlub olan komandaya 70 min manat verilirdi. Daha öncə Topaz Premyer Liqasının mükafatçılarına nəzərdə tutulan pul mükafatı ləğv olunub.
