"Qarabağ"ın baş məşqçisi Qurban Qurbanov "Simurq"u 1:0 hesabı ilə yendikləri Topaz Premyer Liqasının XXII tur qarşılaşmasını dəyərləndirib. Sportnet.az-ın məlumatına görə, 43 yaşlı mütəxəssis yaxşı komandaya qarşı oynadıqlarını bildirib.
Onun fikrincə, belə rəqibə qarşı oynamaq çox çətindir: "Qış fasiləsindən sonra "Simurq" çox yaxşı təsir bağışlayır. Bu komandaya qarşı oynamaq çox çətindi. Bu gün dediklərimin canlı şahidi olduq. Çox çalışdıq. Qalib gəldiyimiz üçün şadam. Azərkeşləri təbrik edirəm".
Qeyd edək ki, bu qələbə sayəsində "Qarabağ" 19 oyundan 43 xalla liderliyini davam etdirib. "Simurq" isə 28 xalla 4-cü pillədə qalıb.
