"Bu heyətlə ilk qələbəni qazandıq. Çatışmazlıq var idi, vəzifəmizin öhdəsindən gəldik. Bu münasibətlə futbolçuları, rəhbərliyi və tamaşaçıları təbrik edirəm". Sportnet.az-ın məlumatına görə, bunu "Xəzər Lənkəran"ın baş məşqçisi Elbrus Məmmədov "Bakı"nı 2:1 hesabı ilə yendikləri Topaz Premyer Liqasının XXIV tur matçından sonra deyib.
Müdafiəçilərin bir qədər inamsız çıxış etdiklərini bildirən Məmmədov belə hallarla ikinci hissədə qarşılaşmadıqlarını vurğulayıb. O, Ağabala Ramazanovun uzatma dəqiqələrində qırmızı vərəqə aldığı epizoda baxılacağını da söyləyib: "Ramazanov deyir ki, günah iş görmədim. Buna rəğmən, epizoda baxılacaq və qərar veriləcək”.
