Bakının "İnter" klubu baş məşqçinin köməkçisi vəzifəsinə təyin olunan Marino Pusiçlə rəsmi müqavilə bağlayıb. Sportnet.az-ın məlumatına görə, anlaşmaya klub prezidenti Georgi Nikolovla Pusiç imza atıb.
Müqaviləyə əsasən, bosniyalı mütəxəssis mövsümün sonunadək "İnter"də köməkçi-məşqçi vəzifəsində çalışacaq. Mövsümun sonunda tərəflər arasında aparılan növbəti danışıqlar zamanı mütəxəssisin baş məşqçi postuna təyin olunma məsələsi müzakirə ediləcək. Razılıq əldə ediləcəyi təqdirdə Pusiçin baş məşqçi postuna təyinatı həllini tapacaq.
Qeyd edək ki, "İnter"in hazırkı baş məşqçisi Kaxaber Tsxadadze mövsümün sonunda klubdan ayrılacaq və fəaliyyətini yalnız Gürcüstan yığmasında davam etdirəcək.
