Topaz Premyer Liqasının XXVIII turunda AZAL-la səfər oyunundan sonra "Qəbələ"nin futbolçusu Cavid Hüseynov oyun haqda fikirlərini bildirib. Sportnet.az-a açıqlama verən yarımmüdafiəçi bunları deyib:
"AZAL bizə həm ev, həm də səfər oyunlarında çətinlik yaradırdı. Onun üçün bu gün bir növ qisas üçün meydana çıxmışdıq. Rəqibi bütün komponentlərdə üstələdik və böyükhesablı qələbə qazandıq".
Oyunda dubl edən Hüseynov sevinci bu cür dilə gətirib: "Şadam ki, bu oyunda iki qol vurdum. Mən əsasə ötürmələr etsəm də, qol vurmağım özümə inamı daha da artırır. Hər oyunda qol vurmaq olmur. Əsas mənim qolum yox, komandanın qələbəsidir və şadam ki, bu görüşdə qələbə qazandıq".
Qeyd edək ki, AZAL - "Qəbələ" qarşılaşması 0:4 hesabı ilə yekunlaşıb.
