"İki fərqli hissə izlədik. İlk hissədə ən yaxşı oyunumuzu keçirdiksə, ikinci hissədə ən pis oyunlarımızdan birini gördük". Sportnet.az-ın məlumatına görə, bunu "Neftçi"nin baş məşqçisi Arif Əsədov "Xəzər Lənkəran"la 2:2 hesablı heç-heçə ilə nəticələnən Azərbaycan Premyer Liqasının XXIX tur matçından sonra deyub.
44 yaşlı mütəxəssis bildirib ki, komandasını erkən vurduqları 2 qol arxayınlaşdırıb: "Birinci hissədə hesab 5:0 da ola bilərdi. Amma çox təəsüf ki, qol epizodlarımızdan istifadə edə bilmədik və mühüm iki xal itirdik".
Əsədov aprelin 13-də "İnter"lə keçirəcəkləri Azərbaycan Kubokunun ilk yarımfinal matçına ciddi hazırlaşmalı olduqlarını əlavə edib.
