AFFA-nın İntizam Komitəsi Topaz Premyer Liqasının XXXIII turunun "İnter” – "Neftçi” matçında baş vermiş qayda pozuntuları ilə bağlı qərarlar qəbul edib. Sportnet.az-ın məlumatına görə, matçın 65-ci dəqiqəsində "İnter”in futbolçusu Səlahət Ağayev sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb. Klub isə 200 manat cərimə olunur.
Oyunun 90-ci dəqiqəsində "Neftçi”nin futbolçusu Mirhüseyn Seyidov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb. "Ağ-qaralar" isə 2000 manat cərimə olunur.
Qeyd edək ki, "İnter" - "Neftçi" matçı 4:0 hesabı ilə "bankirlər"in xeyrinə başa çatıb.
