"Sumqayıt" futbol komandasına yeni məşqçi təyin olunub. Sportnet.az-ın əldə etdiyi məlumata görə, bu, ötənlərin tanınmış futbolçusu İlham Yadullayevdir.
Yadullayev əvəzedici heyətə baş məşqçi təyin olunan Mehman Yunusovu əvəzləyib. 39 yaşlı mütəxəssis əsas komandanın baş məşqçisi Aqil Məmmədovun yardımçısı olacaq.
Qeyd edək ki, İlham Yadullayev daha çox futbolçu kimi tanınıb. O, "Neftçi", OİK, "Şəmkir", "Qarabağ", "Kəpəz", "Karvan", eləcə də 1998 - 2004-cü illərdə Azərbaycan millisində çıxış edib.
