"Neftçi" klubunun kapitanı Flavinyo futbol üzrə Azərbaycan Kubokunun finalında "Qarabağ"la oyunu buraxacaq. Sportnet.az-ın məlumatına görə, buna braziliyalı yarımmüdafiəçinin zədəli olması səbəb göstərilib.
Təcrübəli futbolçu Azərbaycan Premyer Liqasının XXIX turu çərçivəsində səfərdə "Xəzər Lənkəran"la keçirilmiş matçda zədələnib. O, müalicəsini vətənində davam etdirəcək. Bu gün Braziliyaya yola düşən Flavinyo "Neftçi"nin gələn ay Avstriyada keçirəcəyi təlim-məşq toplanışında komandanın düşərgəsinə qoşulacaq.
Qeyd edək ki, Azərbaycan Kubokunun final matçı iyunun 3-də Qəbələ şəhər stadionunda keçiriləcək.
