Avstraliyanın üzgüçülük üzrə 5 qat olimpiya çempionu İan Torp qeyri-ənənəvi seksual orientasiyalı olduğunu bildirib. Sportnet.az-ın məlumatına görə, 32 yaşlı idmançı "mavi"liyini jurnalist Maykl Parkinsona etiraf edib.
Halbuki o, daha öncə, xüsusən, 2012-ci ildə işıq üzü görmüş "Bu, mənəm" adlı avtobioqrafiyasında faktı təkzib edib.
Qeyd edək ki, İan Torp 2000-ci il Sidney və 2004-cü il Afina Yay Olimpiya Oyunlarında 5 qızıl medal qazanıb. O, 11 dəfə dünya çempionu və 23 dəfə dünya rekordçusu olub. Torp 400 metr məsafəyə üzmədə ardıcıl 10 il rekordçu olmaqla da diqqət çəkib.
