Voleybol üzrə Avropa çempionatında iştirak edəcək komandaların sayı artırılıb. Sportnet.az-ın məlumatına görə, yeni formatın tətbiqinə 2019-cu ildən başlanılacaq və yarışda 24 komanda çıxış edəcək.
Üstəlik, yarışlara 4 ölkə təşkilatçılıq edə biləcək. Avropa Voleybol Konfederasiyası bu addımı daha çox ölkənin yüksək hədəflər uğrunda mübarizə aparması üçün atıb.
Qeyd edək ki, növbəti Avropa çempionatı 2017-ci ildə Azərbaycan və Gürcüstanda keçiriləcək. Bu, 16 komandanın qatılacağı son qitə çempionatı olacaq.
