Kişi basketbolçulardan ibarət ABŞ yığması Çində keçirilən dünya çempionatının yarımfinalına yüksələ bilməyib.
Sportnet.az xəbər verir ki, komanda 1/4 finalda Fransa ilə üz-üzə gəlib. Qarşılaşma Avropa təmsilçisinin qələbəsi ilə yekunlaşıb - 89:79.
Fransa 1/2 finalda Argentina ilə qarşılaşacaq. Daha bir yarımfinalçı İspaniya isə finala gedən yolda Avstraliya - Çexiya cütünün qalibi ilə görüşəcək.
Qeyd edək ki, yarımfinallar sentyabrın 13-də, final və bürünc medal uğrunda görüş sentyabrın 15-də olacaq.
