Yamaykalı atlet Useyn Bolt yeni rekorda imza atıb. Sportnet.az-ın məlumatına görə, sprinter Rio-de-Janeyroda keçirilən XXXI Yay Olimpiya Oyunlarında 100 metr məsafəyə qaçışda qızıl medal qazanıb.
Bununla Bolt ardıcıl üçüncü olimpiadada 100 metr məsafəyə qaçışda kişilər arasında qızıl medal qazanan tək idmançı adına sahib çıxıb. 29 yaşlı atlet bu məsafəni 9.81 saniyəyə qət edərək Pekin-2008 və London-2012-dəki nəticələrini yeniləyib.
Qeyd edək ki, Bolt 2017-ci ildə keçiriləcək dünya çempionatından sonra karyerasını başa vurmağı düşünür.
