Hazırda inşası davam edən Bakı Olimpiya Stadionunun yeni görüntüləri yayılıb. Sportnet.az-ın məlumatına görə, gecələr stadionun divarları üzərində Azərbaycan bayrağı və Olimpiya oyunlarının loqoları nəzərə çarpır.
Qeyd edək ki, stadionun əsası 6 iyun 2011-ci ildə qoyulub. Təməlqoyma mərasimində Azərbaycan Respublikasının Prezidenti İlham Əliyev, FİFA prezidenti Yozef Blatter və UEFA prezidenti Mişel Platini, eləcə də dünya futbol ictimaiyyətinin görkəmli nümayəndələri, federasiya rəhbərləri, futbol veteranları və digər qonaqlar iştirak ediblər. 65 min tamaşaçı yeri olan Bakı Olimpiya Stadionunun daxili sahəsi 120,830 kv.m olacaq.
